Geschichte

 
thumb chantal flueck1250

Ich bin Chantal und bin scho siit ich äs chlises Meiteli bin im Hochhamm obe. Min Papa het das Restaurant 1992 kauft und scho bald dä Sessellift und Skilift müässe abbreche.
Denn hend mini Eltere mengs Johr im Hamm obe gschaffet und immer mol widär chli öpis veränderet oder umbaue.


 

thumb Weihnachtsessen Hamm 049Am 23. Mai 2008 het üse Papa en tödliche Autounfall gah. Vo do ah het üs d Aline Zeller und ihre Maa ganz fescht gholfe und s Restaurant no bis am 1. Juli 2010 wiitergführt und das wunderbar gmacht, und mer sind ihne hüte no uu fescht dankbar.

Und sit am 1. Juli 2010 bin ich im Hamm obe d Wirtin. Ich han mini Kochlehr idä Rüti in Herisau gmacht. Noch minere Lehr hani dörfe es halbs Johr uf Kanada goh goh Englisch lerne und ganz viel schöni und tolli sache erlebe. Woni widär hei cho bin , bini den nomol für es Ziitli zrugg id Rüti gange und den nachher bini idä Stiftig Alterbetreuuig Herisau gsi wos mir au uu guet gfalle het.

  • WeihnachtsessenHamm028
  • Weihnachtsessen_Hamm_039

Simple Image Gallery Extended


thumb chantalflueck2Und siitem 1. Juli 2010 bin ich jetzte im Hochhamm obe , und mer hend scho uuu viel schööni Stunde dörfe  erlebe viel lache und öpe es feins schlückli wii trinke. Ich han uuu freud dörf ich im Hamm obe sie und wen üs min Papa zuä luäget hoffi gfallts ihm au was mir us sim Hamm gmacht hend.

 

Ich würd mich freue scho bald mit eu chli schnädere im Hamm obe.

Chantal Flück

nacht l